管家王 ︳港男住巴士屋近20年 3萬元買車變600呎複式單位有齊廚廁

「屋企要有樓梯，無幾千萬唔使諗，呢度複式唔使4萬蚊！」住在粉嶺的51歲毛叔約20年前忽發奇想，買入一輛雙層九巴改裝成屋，自行髹油裝修，令上下層各300呎有齊廚房廁所、客廳睡房，更擁有豪宅才會見到的樓梯。毛叔形容很多香港人都不想困在家，但對於住在巴士屋的他而言卻是「日日想快啲返屋企，快啲上車！」

{{hket:ul-video id="5935"}}{{/hket:ul-video}}

毛叔本身住在粉嶺的鐵皮屋，中三輟學的他曾經從事不同工作，由超市店員、臨時演員到跟車送貨都有做過。約20年前，毛叔住所日久失修滿屋白蟻，翻新太麻煩也不便宜，直到有日搭巴士途經錦田的劏車場，發現有二手巴士賣，一問之下原來每輛只需3.4萬元，不要引擎更便宜4,000元，令他靈機一觸，買回來改裝成新屋，

「嗰陣諗到不如拖一架返嚟做屋，我唔係巴士迷，所以我唔識嗰啲型號，見到呢部最新就要呢部。」

{{hket:inline-image name="IMG_5102.JPG"}}{{/hket:inline-image}}

下層做廳廚 盡量保留車廂線條

車價雖平，但要住在裡面要花不少功夫，在清潔和裝修前，單是拆除所有座位毛叔已花費一個月時間，然後將全部牆身抹乾淨，再髹油、鋪地膠。清空車廂，接著便要構思哪裡是廚房廁所、哪裡是客廳睡房，毛叔形容：「呢啲都係我自己諗出嚟，一入嚟我已經有畫面！」

毛叔希望下層裝飾裝修盡量要簡單，保留巴士車廂原本線條，上層則可以較隨意，不過當他請水電師傅上門開工時，對方卻以為被整蠱，

「他嚟到就話『咩事，點解會係一架巴士』，佢話自己做十幾年都未試過，盡量做啦。」

{{hket:inline-image name="IMG_5106.JPG"}}{{/hket:inline-image}}

經過數個月，毛叔將11米長巴士改裝成兩層共600呎的「複式單位」，下層車尾用作客飯廳，右排座位改成開放式廚房，車尾長椅改成梳化，

「車轆突起位置難用，所以只能一邊做餐枱，自己用木板砌，另一邊車轆上面就做廚房，用返巴士拆落嚟嘅支架搭，因為煮飯會令到全屋水蒸氣同油煙，所以喺窗上面裝咗抽氣扇。」

至於行李架位置就變成浴室，有齊熱水爐、花灑及座廁，經過樓梯行向車頭，原本兩排座位就變成衣帽間，駕駛座變成梳妝台，雖然軚盤拆去，但原本的司機座位、波棍、油門腳踏等全都保留下來。

{{hket:inline-image name="IMG_5099_1.JPG"}}{{/hket:inline-image}}

花近20萬裝修 寧睡帳幕不睡床

由樓梯走到上層，車頭是毛叔的睡房，卻只有一個帳幕，原來毛叔曾經安裝睡床，不過最後覺得睡帳幕更方便舒服，「因為冬天嗰陣，呢度室溫都可以低過10度，瞓帳幕更加保暖！」長期日曬雨淋，當打風落雨車廂便容易滲水，加上連夜滴滴噠噠難入睡，所以在外面加裝了鐵皮頂保護巴士。為了慳錢，裝修期間毛叔盡量親力親為，不過花費仍然不少，

「剩係裝兩部冷氣就要1萬蚊，裝個鐵頂又要2萬元，連水電加加埋埋差唔多十幾廿萬。」

毛叔形容入住後幾乎每日都在想如何裝飾住所，他更花不少時間親自在樓梯牆壁及上層車窗繪畫，務求令它更獨一無二。由於一向愛收藏舊物，單是收音機也有超過10部，上層車尾更是他的私人博物館，由扭蛋機、臨時紅綠燈、維他奶熱箱，以至「大牛龜」電視機等，「每當見到一啲香港舊物都想帶返嚟，覺得同間屋好襯。」

{{hket:inline-image name="IMG_5087.JPG"}}{{/hket:inline-image}}

「每日都想快啲返屋企」

比起住在一般家居，毛叔指最大分別便是有兩層，猶如置身於豪宅之中。毛叔自言並非巴士迷，只是與一般人一樣，每日上學上班時搭巴士，也從未幻想過會住在巴士，如今竟以巴士為家，他一直都感到很不真實，

「可以住喺一架曾經行走嘅巴士上面，個感覺我唔識形容。」

{{hket:inline-image name="IMG_5074.JPG"}}{{/hket:inline-image}}

疫情下港人每日困在家中，只想去出街旅行，毛叔卻相反，「即使住咗咁多年，我完全無厭倦感覺，每日周圍望，好靚好靚，住喺度實在太美好，每日都想快啲返屋企，快啲『上車』！」毛叔有一些原因，曾經數年未有住在車上，以致維修保養被迫暫停，令巴士外觀與之前相差甚遠，如今重返巴士屋，毛叔直言再也不會搬走，

「如你叫我依家唔可以再住巴士，叫我上樓，我真係唔想，所以我一定不會再搬走，會繼續維修清潔，好好保養好佢，希望做得到。」

U Lifestyle App自家節目登錄《U TV》專區！
↓↓試玩、試食、試用影片任您睇↓↓
【立即體驗】

每朝索取《晴報》：精明生活．健康家庭．開心娛樂

責任編輯：黃志宏